Ռայի Պատրիարքը ողջունեց բանակին եւ ապահովութեան ուժերու ջանքերը։

Մարոնի համայնքի Պշարա Ռայի պատրիարքը երէկ հեռաձայնային հաղորդակցութիւն մը ունեցաւ բանակի հրամանատար զօր. Ժան Քահուաժիի հետ:
Հաղորդակցութեան ընթացքին Ռայի պատրիարքը ողջունեց բանակին եւ ապահովութեան ուժերուն գործադրած ապահովական միջոցառումները` ամրապնդելու համար Լիբանանի ապահովական կայունութիւնը:
Միւս կողմէ, Ռայի պատրիարքը Պքերքէի մէջ ընդունեց արտաքին գործոց նախարար Ժըպրան Պասիլը, որուն հետ քննարկեց երկրին իրադարձութիւններն ու նախագահական ընտրութիւններուն վերաբերող հարցեր:
Ռայի պատրիարքին այցելեց նաեւ գաղթականներու հարցերու նախարար Ալի Շապթինին:
Քննարկուեցան աւելի քան երեսուն տարի ետք Պրիհի բնակչութեան տունդարձի ձեռնարկին կարեւորութիւնը: