Патрыярх Канстантынопальскі: пасля нашага спаткання з Папам будзе падпісана дэкларацыя
Пасля сустрэчы папы
Францішка і Патрыярха Барталамея І у Іерусаліме выйдзе сумесная дэкларацыя. Аб гэтым
абвясціў праваслаўны іерарх. Гэта па яго ініцыятыве Пантыфік 24-26 мая 2014 г. едзе
ў Святую Зямлю, у 50-ю гадавіну гістарычнай сустрэчы Патрыярха Афінагора і папы Паўла
VI. На думку Прадстаяцеля Канстантынопальскага Патрыярхату, шлях да адзінства яшчэ
доўгі, але прыняцце Францішкам яго запрашэння даказвае, што існуе жаданне пакласці
канец падзелам.
Папа і Патрыярх сустрэнуцца ў Іерусаліме двойчы. 25 мая адбудзецца
іх асабістая размова ў штаб-кватэры Апостальскай дэлегатуры, а затым падпісанне сумеснай
дэкларацыі, канчатковы тэкст якой, як сказаў Барталамей І, яшчэ не гатовы. Затым Пантыфік
і Патрыярх прымуць удзел у экуменічным спатканні ў базыліцы Гробу Пана. 26 мая Францішак
наведае Барталамея І у будынку каля царквы Галілейскіх Мужчын на Аліўнай гары.