Святы Пасад ініцыюе дыскусію аб уплыве мафіі на занятасць сярод моладзі
На Кніжным кірмашы
ў Турыне пройдзе чарговы этап ватыканскай ініцыятывы “Падворак язычнікаў”. Сустрэча,
якая пройдзе 8 мая 2014 г., будзе прысвечана з’яве мафіі і яе ўплыву на занятасць
моладзі. У прыватнасці размова будзе засяроджана на тым, якім чынам крымінальныя групоўкі
пранікаюць у фінансавыя структуры краін, і як гэта прыводзіць да эканомікі, заснаванай
на хлусні. У дыскусіі прымуць удзел італьянскія спецыялісты па барацьбе з мафіяй,
эксперты з “Інтэрполу”, вядомыя банкіры і эканамісты. Кардынал Джанфранка Равазі,
старшыня Папскай рады па культуры, галоўнага арганізатара “Падворка язычнікаў”, прадставіць
пазіцыю Касцёла па дадзенай тэматыцы.