ֆրանչիսկոս Քահանայապետը կ'ընդունի Ամենայն Հայոց Գարեգին Բ կաթողիկոսը։

Սերտ երկխօսութիւն Հայ եկեղեցւոյ ու Ս. Աթոռի միջեւ։

ֆրանչիսկոս Քահանայապետը, 8 մայիս 2014-ին, կ'ընդունի Ամենայն Հայոց Գարեգին Բ կաթողիկոսը, որ երեք օրուայ համար Հռոմ կը գտնուի։
Վեհափառին վեջին այցելութիւնը Վատիկան տեղի ունեցաւ 19 մարտ 2013-ին, ֆրանչիսկոս Քահանայապետի գահակալութեան առթիւ։
Ամենայն Հայոց Կաթողիկոսը Վատիկան այցելած է մայիս 2008-ին եւ սեպտեմբեր 2012-ին։
Դէտետու գնահատումով Հայ Եկեղեցւոյ եւ Ս. Աթոռի միջեւ վերջին 50 տարիներուն կապերը աւելի ջերմ ու սերտ եղած են։
Վեհափառը եւ ֆրանչիսկոս Քահանայապետը առանձնական հանդիպում կ'ունենան 8 մայիսին։Նախապէս երկու եկեղեցապետերը, միասնաբար հասարակաց աղօթք պիտի կատարեն։
Ամենայն Հայոց կաթողիկոսը հանդիպումներ կ'ունենայ քրիստոնեաներու միութեան քահանայապետական խորհուրդի, Ս. Աթոռի պետական քարտուղարութեան եւ Արեւելեան եկեղեցիներու ժողովի պատասխանատուներուն հետ։ Ինչպէս նաեւ պիտի այցելէ Վատիկանի այլ կեդրոններ։
Վեհափառը պահ մը աղօթք պիտի կատարէ ս. Պետրոս առաքելապետի դամբանին առջեւ, ինչպէս նաեւ կանգ պիտի առնէ ս. Գրիգոր Լուսաւորիչի արձանին առջեւ։
Նոյեմբեր 2000-ին Ամենայն Հայոց Կաթողիկոսը Յովհաննէս Պօղոս Բ Քահանայապետի ձեռքէն ստացաւ ս. Գրիգոր Լուսաւորիչի մէկ մասունքը։