Իրանի արտաքին գործոց նախարար Մոհամետ Ժաուատ Զարիֆ Սուրիոյ հարցով ՄԱԿ-ի եւ Արաբական
լիկայի յատուկ պատուիրակ Լախտար Իպրահիմիի հետ հեռաձայնային հաղորդակցութեան մը ընթացքին
քննարկեց սուրիական տագնապի զարգացումները: Իրանեան «Ֆարս» լրատու գործակալութիւնը
հաղորդեց, որ երկու կողմերը իրենց խօսակցութեան ընթացքին ընդգծեցին Սուրիոյ տագնապին
քաղաքական լուծում մը գտնելու կարեւորութիւնը` զայն նկատելով տագնապի լուծման ամէնէն
յարմար ընտրանքը: Իրանի արտաքին գործոց նախարարը գնահատեց Սուրիոյ տագնապին քաղաքական
լուծում մը գտնելու ուղղութեամբ Իպրահիմիի ջանքերը` զանոնք որակելով «կարեւոր»: