Кс. Ламбардзі: камітэты ААН не павінны станавіцца прыладамі ідэалагічнага ціску
Прадстаўнік Апостальскай
Сталіцы кс. Фэдэрыка Ламбардзі, выказаў пажаданне, каб справаздача Святога Пасаду
аб барацьбе супраць катаванняў, якая будзе абмяркоўвацца адпаведнымі органамі ААН
5-6 мая 2014 г., разглядалася без ідэалагічнай прадузятасці, у канструктыўным ключы.
Кіраўнік Залы Друку падкрэсліў, што падчас дыялогу з краінамі-удзельніцамі канвенцый
ААН, адпаведныя камітэты нярэдка ўздымаюць пытанні, якія выходзяць за рамкі тэкстаў
гэтых дакументаў. У якасці прыкладу ён нагадаў заўвагі Камітэту ААН аб правах дзіцяці
адносна справаздачы Апостальскай Сталіцы, прадстаўленай у студзені 2014 г.
Заўвагі
былі зроблены пад уплывам некаторых няўрадавых арганізацый, якія выкарыстоўваюць драму
жорсткага абыходжання з дзецьмі для барацьбы з Касцёлам. Кс. Ламбардзі выказаў перасцярогу,
каб падчас абмеркавання справаздачы Святога Пасаду аб барацьбе з катаваннямі не займела
месца падобная сітуацыя.