பிரிட்டன் இன்னும் கிறிஸ்தவ நாடே, அந்நாட்டு பிரதமர்

ஏப். 29,2014. இங்கிலாந்து இன்னும் கிறிஸ்தவத்தைப் பின்பற்றும் நாடாகவே உள்ளது என்ற அந்நாட்டு பிரதமரின் கூற்று உண்மையே என அண்மையில் எடுக்கப்பட்ட ஆய்வு ஒன்று தெரிவிக்கிறது.
இரண்டாயிரம் பிரிட்டானியர்களிடம் அண்மையில் The Telegraph இதழ் நடத்திய ஆய்வில், பெரும்பான்மையினோர் தங்களைக் கிறிஸ்தவர்கள் என அடையாளம் காட்டியுள்ளனர்.
பிரிட்டன் நாடு இன்னும் கிறிஸ்தவ நாடாகவே உள்ளது என்ற பிரதமர் டேவிட் கமரோனின் கூற்றை, ஆய்வில் கலந்துகொண்ட 60 விழுக்காடு ஆண்களும் 53 விழுக்காடு பெண்களும் ஆமோதித்துள்ளனர்.
65 வயதிற்கு மேற்பட்டவர்களுள் 75 விழுக்காட்டினர் பிரிட்டனை கிறிஸ்தவ நாடு என கூறியுள்ளவேளை, ஆய்வில் கலந்துகொண்டோருள் 30 விழுக்காட்டினர் பிரிட்டனை மதச்சார்பற்ற நாடு எனவும் தெரிவித்துள்ளனர்.

ஆதாரம் : ChristianHeadlines