2014-04-29 11:28:35

Հայաստան պիտի չմասնակցի 29 ապրիլին Մինսքի մէջ տեղի ունենալիք Մաքսային միութեան վեհաժողովին


29 ապրիլին Մինսքի մէջ տեղի պիտի ունենայ Մաքսային միութեան եւ Միացեալ տնտեսական տարածքի ղեկավար մարմինի` Եւրասիական բարձրագոյն տնտեսական խորհուրդի նիստը, որուն պիտի մասնակցին Ռուսիոյ, Ղազախստանի եւ Պիելոռուսիոյ նախագահները: Հայաստան պիտի չմասնակցի այս վեհաժողովին:
Հայաստանի արտաքին գործոց նախարարութեան մամլոյ քարտուղար Տիգրան Բալայեան յայտնեց, որ հայկական կողմը պիտի իրականացնէ իր բոլոր քայլերը` Հայաստանի եւ Մաքսային միութեան միջեւ համաձայնուած ճամբու քարտէսին համաձայն:
Բալայեան նշեց, որ Հայաստան մտադիր է աշխատանքը շարունակել այդ ուղղութեամբ:
Պիելոռուսիոյ նախագահի պաշտօնական կայքին մէջ այդ նիստին վերաբերեալ երէկ տեղադրուած հաղորդագրութեան մէջ նշուած է Ալեքսանտր Լուքաշենքոյի երկկողմանի հանդիպումներուն մասին` Ռուսիոյ նախագահ Վլատիմիր Փութինի եւ Ղազախստանի նախագահ Նուրսուլթան Նազարպայեւի հետ: Հայաստանի նախագահին հետ երկկողմանի հանդիպման մասին տեղեկութիւն չկայ:







All the contents on this site are copyrighted ©.