Në shesh, së bashku me besimtarët e shumtë nga e gjithë bota, që merrnin pjesë me
përkushtim në meshën për shenjtërimin e Gjonit XXIII dhe Gjon Palit II, ishte e pranishme
edhe presidentja e Kosovës, Atifete Jahjaga, shenjë e interesimit të politikës kosovare,
në mos tjetër, për Papën Karol Vojtila, që aq fort e ngriti zërin në mbrojtje të të
drejtave të shqiptarëve. Pikërisht në këtë këndvështrim, duke përshkruar marrëdhëniet
e shën Gjon Palit II me Kosovën, bashkëpunëtorja jonë nga Prishtina, Mrikë Ibraj,
vë në dukje dashurinë e Papës polak për popullin e vogël shqiptar…