Պենետիկտոս ԺԶ Սրբազան Քահանայապետը ներկայ պիտի գտնուի սրբադասման արարողութեան։
Սուրբ Աթոռի բանբեր` Հայր Ֆետերիքօ Լոմպարտին յայտարարեց թէ Պենետիկտոս ԺԶ վաստակաւոր
քահանայապետը, ընդառաջելով Ֆրանչիսկոս Քահանայապետի հրաւէրին, ներկայ պիտի գտնուի, կիրակի
27 ապրիլի առաւօտուն նախատեսուած` Յովհաննէս Պօղոս Բ եւ Յովհաննէս ԻԳ քահանայապետերու
սրբադասման արարողութեան։Հայր Լոմպարտին յայտնեց նաեւ թէ վաստակաւոր Քահանայապետը կարտինալներու հետ միասին կը մասնակցի սրբադասման համապատարագին, ոչ թէ խորան բարձրանալով, այլ խորանին ձախ կողմը նստելով կարտինալական դասին հետ միասին։ Ֆրանչիսկոս Քահանայապետի կողքին խորան կը բարձրանան Կարտինալ Սոտանոն եւ Կարտինալ Րէ-ն, ինչպէս նաեւ Կարտինալ Ճիվիչը` Յովհաննէս Պօղոս Բ-ի երբեմնի քարտուղար, Կարտինալ Վալլինին` Հռոմի թեմի տեղապահ Արքեպիսկոպոս եւ Պերկամոյի եպիսկոպոսը։
| All the contents on this site are copyrighted ©. |