Բաւականին բազմաթիւ են Յովհաննէս Պօղոս Բ-ի «առաջնութիւնները» քսանվեց տարիներու Քահանայապետութեան
ընթացքին: Անհնար է զանոնք մէկ առ մէկ յիշելը, սակայն ժամանակակից պատմութեան մէջ առաջին`
ոչ իտալացի, այլ՝ Լեհ Պապ ըլլալը մեծ տպաւորութիւն ունեցած է:
Յիշենք որոշ նորամուծութիւններ.
28
Յունիս 1988-ին, կը հրատարակէ «Բարի Հովիւ» առաքելական սահմանադրութիւնը: Միեւնոյն ժամանակ
կ’իրականացնէ հռոմէական Եկեղեցւոյ Վարչակազմի եւ անոր Միաբանութիւններու բարենորոգումը:
Իր
Քահանայապետութեան ընթացքին Պապը հիմնած է նաեւ վատիկանեան այլ կազմակերպութիւններ.
13
Մայիս 1981-ին, կը հաստատէ «Ընտանիքի` Քահանայապետական Խորհուրդը», միեւնոյն ատեն հիմնելով
«Ամուսնութեան եւ ընտանիքի ուսումնասիրութեան` Յովհաննէս Պօղոս Բ-ի Քահանայապետական Հաստատութիւնը»`
պարգեւելով Եկեղեցւոյ` փիլիսոփայական, աստուածաբանական եւ հովուական անդրադարձումի օժանդակութիւն
մը, մարդկային տարբեր գիտութիւններու օգնութեամբ նպաստելով անհատի, ամուսնութեան եւ ընտանիքի
վերաբերող ճշմարտութեան:
20 Մայիս 1982-ին կը հիմնէ «Մշակոյթի Քահանայապետական
Խորհուրդը»: 11 Փետրուար 1985-ին Լուրտի` Տիրամօր յիշատակին, կը հիմնէ «Բուժաշխատողներու
Քահանայապետական Հովուական Խորհուրդը»` ցոյց տալով տկարներու հանդէպ` Եկեղեցւոյ ունեցած
հոգածութիւնը:
Երկու մասնայատուկ նպատակներու դիտաւորութեամբ 11 Փետրուար 1994-ին,
կրկին Լուրտի Աստուածամօր յիշատակին, կը հիմնէ «Կեանքի ի նպաստ Քահանայապետական կաճառը».
Առաջին, մարդկային կեանքի եւ անհատի արժանապատուութեան պաշտպանութեան խնդիրներու ուսումնասիրութեան
համար եւ կեանքի մշակոյթի բարձրացում` ըստ Եկեղեցւոյ ուսմունքի:
Սուրբ Պիոս Ժ-ի
Քահանայապետական Եղբայրութեան կապուած անհատներու դէպի Կաթողիկէ Եկեղեցի վերադարձը դիւրացնելու
նպատակով, 2 Յուլիս 1988-ին կը հիմնէ «Աստուածային Եկեղեցի'' Քահանայապետական յանձնախումբը»:
Կը
բարեփոխէ ''Պապընտիր Ժողովը'' հրապարակելով ''Universi Dominici Gregis'' առաքելական
սահմանադրութիւնը, որ կը վերաբերի Սուրբ Պետրոսի ''Թափուր Աթոռին'' եւ Հռոմի Քահանայապետի
ընտրութեան:
30 Ապրիլ 2000 թուականին, Յարութեան երկրորդ Կիրակին, Յովհաննէս Պօղոս
Բ կը հաստատէ որպէս ''Աստուածային Ողորմութեան Կիրակի'', եւ ահա ճիշդ այդ օրը Ան Սուրբ
պիտի հռչակուի:
2002-ին կը ներմուծէ Սուրբգրային Ճանապարհ Խաչի նորութիւնը, աւանդական
դարձած կայաններուն փոխարէն, աւետարաններու մէջ նշուած չարչարանքի հայող հատուածներ կարդալով: Առաջին
Քահանապետն է, որ 1982-ին կ’այցելէ Քանթերպուրի` անկլիքաններուն Մայր Եկեղեցին: Առաջինն
է, որ 13 Ապրիլ 1986-ին կ’այցելէ Հռոմի Հրեաներու Տաճարը: Առաջինն է, որ 6 Մայիս 2001-ին
ոտք կը դնէ մզկիթի մը մէջ, Դամասկոսի Ոմմաեատիի մզկիթը: 2000 թուականին` Յոբելինական
տարւոյն ընթացքին, Կարտինալներու հետ համապատարագի ընթացքին, Աստուծմէ ներողութիւն կը
խնդրէ` Եկեղեցւոյ զաւակներուն անցեալի եւ ներկայի գործած մեղքերուն համար:
Յովհաննէս
Պօղոս Բ. հաստատած է մի քանի կարեւոր ''Համաշխարհային Օրեր''. Ինչպէս են` երիտասարդներու,
հիւանդներու եւ նուիրեալներու համաշխարհային օրերը: Ինչպէս նաեւ Ասիզիի` խաղաղութեան
համար յատկացուած աղօթքի օրը (27 Հոկ. 1980)
Առաջին Պապն է, որ 1986-ին կը հրատարակէ
Սուրբ Աթոռի հաշուեկշիռը:
1983-ին կը հիմնէ Վատիկանի Կեդրոնական Հեռուստակայանը:
Առաջինն
է, որ 28 մայիս 1982-ին կը մեկնի Մեծն Բրիտանիա:
Առաջին Պապն է որ կը բանայ դիւանագիտական
ուղիները Ռուսաստանի, Իսրաէլի, ԱՄՆ-ի եւ այլ երկիրներու հետ, որոնք զրկուած էին Սուրբ
Աթոռի հետ պաշտօնական յարաբերութիւններէ:
1992-ին` Վատիկանի Բ Տիեզերական Ժողովի
բացման երեսնամեակին առիթով կը հրատարակէ Կաթողիկէ Եկեղեցւոյ Քրիստոնէականը: