Кс. Ламбардзі: Ватыкан рыхтуецца да нядзельнай кананізацыі
Ватыкан рыхтуецца
да нядзельнай кананізацыі Яна Паўла II і Яна XXIII. “У гэты працэс уключаны ўсе структуры
Апостальскай Сталіцы – пачаўшы ад адказных за літургію, цырымоніі і камунікацыі аж
па службы, якія займаюцца лагістыкай вялікіх сустрэч”,- сказаў у інтэрв’ю полькаму
нацыянальнаму радыё кс. Фэдэрыка Ламбардзі, кіраўнік Залы Друку. Святар адзначыў,
што Святому Пасаду трэба будзе прыняць шмат гасцей, ў тым ліку і журналістаў, якія
будуць весці радыёхроніку з кананізацыйнай Імшы.
“Гэта аднак толькі знешні
аспект падрыхтоўкі”,- сказаў італьянскі езуіт і дадаў, што найважнейшым з’яўляецца
духоўны, унутраны аспект. “Мы не можам абмежавацца толькі да арганізацыі вялікага
мерапрыемства, якое ўсе змогуць глядзець яго ў вялікіх памерах. Гэта падзея, якая
мае намеціць жыццё Касцёла”, - сказаў прадстаўнік Апостальскай Сталіцы.
Кс.
Ламбардзі патлумачыў, што кананізацыі з’яўляюцца вялікімі святамі духа, касцельнымі
святамі. “Яны служаць, каб вернікі змаглі адкрыць прысутнасць вялікіх прыкладаў святасці
для ўсёй касцельнай супольнасці”, - сказаў кіраўнік Залы Друку Апостальскай Сталіцы.