18 мая 2014 г. папа
Францішак наведае санктуарый Найсвяцей Панны Марыі Боскай любові, які знаходіцца на
паўднёвай ускраіне Рыма, у раёне пад назвай Кастэль-дзі-Лева. Ужо пачалася падрыхтоўка
да гэтага візіту, паведамляецца на сайце мясцовай парафіі. Марыйны санктуарый складаецца
з двух касцёлаў: старажытнага, узведзенага ў 1745 г., і новага – пабудаванага ў 1999
г. Цудатворны абраз, які тут захоўваецца вельмі шануецца рымлянамі і на працягу лета,
кожную суботу, да яго здзяйсняюцца пілігрымкі з цэнтра Вечнага горада. Яны звычайна
праходзяць ноччу, каб не замінаць транспартнаму руху і мець магчымасць засяродзіцца
на малітве ў цішыні. Рашэнне аб стварэнні ў Кастэль-дзі-Лева санктуарыя прыняў папа
Пій Х у 1912 г. Святое месца тройчы наведваў бл. Ян Павел ІІ – у 1979, 1987 і 1999
гадах, і аднойчы Бэнэдыкт XVI – 1 мая 2006 года.