Папа скіраваў да вернікаў важныя пытанні на Вялікі тыдзень
Вялікі тыдзень пазначаны
пытаннем: я падобны на Юду і Пілата або Марыю, Сымона кірынейца і жанчын, якія заставаліся
з Езусам аж да самай Яго смерці? З такімі словамі папа Францішак звярнуўся да ўдзельнікаў
Эўхарыстыі на плошчы св. Пятра, якая адбылася ў Пальмовую нядзелю 13 красавіка 2014
г. У літургіі прынялі ўдзел каля 60 тыс. чалавек. Святы Айцец звярнуўся да вернікаў
з шэрагам пытанняў, якія тычацца адносінаў з Езусам і бліжнімі, нашага духоўнага і
сацыяльнага жыцця. “Хто я? Хто я перад Панам? Хто я перад Езусам, які ўваходзіць у
Ерузалем? Ці здольны я выказаць маю радасць і праслаўляць Яго? Ці дыстанцуюся? Хто
я перад Езусам, які пакутуе?”. “Вучні, якія нічога не разумелі і заснулі ў той час
калі Пан пакутаваў. Ці маё жыццё санлівае? Ці я падобны на вучняў, якія не разумелі
чым можна здрадзіць Езусу? Як той вучань, які хацеў вырашыць усё мечам: ці я падобны
на яго? Ці я падобны на Юду, якія рабіў выгляд, што любіць і цалаваў Настаўніка, каб
Яго схапілі, каб здадзіць яму? Ці я здраднік? Ці я падобны на тых кіраўнікоў, якія
спяшаліся правесці суд і шукалі фальшывых сведкаў: ці я падобны на іх?”, - звярнуўся
Папа да вернікаў.
Паводле Францішка кожнаму варта падумаць: ці падобны я на
Пілата, якія перад абліччам складанай сітуацыі ўмыў рукі, не жадаў прыняць на сябе
адказнасць і дазволіў асудзіць Хрыста?
Папа падкрэсліў, што сярод натоўпу,
які прагнуў крыві і прыніжэння бязвіннай ахвяры Хрыста, былі і “светлыя абліччы”,
якія павінны стаць прыкладам для кожнага хрысціяніна. Сярод іх, Сымон кірынеец. Ён
“вяртаўся з працы, стомленны, але меў добрае жаданне дапамагчы Езусу несці крыж”.
Сярод іх, адважныя жанчыны, як маці Езуса Марыя, якія пакутавалі моўчкі. Сярод іх,
быў Юзаф, таемны вучань, які аднёс цела Езуса з любоўю, каб пахаваць. “Ці я падобны
на гэтых двух жанчын, Марый, якія засталіся каля дзвярэй грабніцы, плачучы, молячыся?
(...) Дзе маё сэрца? Да каго з гэтых асобаў я падобны. Няхай гэта пытанне суправаджае
нас падчас гэтага тыдню”, - пажадаў вернікам Папа.