Пантыфік павіншаваў юдэйскую супольнасць Рыма са святам Песах
Папа Францішак павіншаваў
юдэйскую супольнасць Рыма са святам Песах – галоўным юдэйскім святам, якое адзначаецца
ў памяць аб зыходзе ізраільскага народа з егіпецкага палону. Святкаванне сёлета пачнецца
14 красавіка і па-традыцыі будзе працягвацца восем дзен. “Хачу скіраваць самыя сардэчныя
віншаванні спакою, Вам і ўсёй рымскай юдэйскай супольнасці”, - напісаў Святы Айцец
ў тэлеграме на імя галоўнага рабіна Рыма Рыкарда Дзі Сэньі. Францішак пажадаў, каб
“успамін вызвалення з прыгнёту магутнай рукой Пана, натхняў на думкі аб міласэрнасці,
прымірэнні і братэрскай блізкасці да усіх, хто пакутуе пад цяжарам новых форм рабства”.
Святы Айцец нагадаў, што хутка будзе мець радасць наведаць Іерусалім, і ў сувязі з
гэтым папрасіў суправаджаць яго малітвай, абяцаючы таксама прасіць у Найвышэйшага
Бога шчодрага благаслаўлення для вызнаўцаў юдаізму.