Папа: не прымаю адукацыйных эксперыментаў над дзецьмі і моладзю

11 красавіка 2014 г. папа Францішак прыняў на аўдыенцыі дэлегацыю Міжнароднага каталіцкага бюро дапамогі дзецям – дабрачыннай арганізацыі ўзніклай у 1948 г. у Парыжы, дзеля абароны правоў дзяцей. У сустрэчы з Пантыфікам прынялі ўдзел восем прадстаўнікоў гэтага аб’яднання. Папа адзначыў, што высока цэніць іх працу і супрацоўніцтва з Апостальскай Сталіцай. “У нашыя дні важна развіваць праекты накіраваныя на барацьбу з рабскай працай, супраць рэкрутавання дзяцей-салдат і рознага кшталту насілля над дзецьмі”, - падкрэсліў Святы Айцец. Ён нагадаў пра права дзіцяці ўзрастаць у сям’і з бацькам і маці здольнымі ствараць асяродзе прыдатнае для яго развіцця і эмацыйнага сталення. Гэта, паводле Пантыфіка прадугледжвае абарону права бацькоў на маральнае і рэлігійнае выхаванне сваіх дзяцей. “У сувязі з гэтым хачу прадэманстраваць маё непрыняцце рознага кшталту адукацыйных эксперыментаў над дзецьмі. Над дзецьмі і моладзю нельга эксперыментаваць. Жахі адукацыйнай маніпуляцыі, якія мы бачылі ў вялікіх генацыдных дыктатурах ХХ ст. не зніклі; яны захоўваюць сваю актуальнасць пад рознымі покрывамі прапаноў прэтэндуючых на сучаснасць і падштрурхоўваюць дзяцей і моладзь ісці па дыктатарскім шляху “адной думкі”, - сказаў Папа.

Паводле Святога Айца, праца з моладзю прадугледжвае антрапалагічную адукацыю, добрыя веды аб чалавечай рэчаіснасці, здольнасці адказваць на праблемы і выклікі сучаснай культуры і ментальнасці, якая распаўсюджваецца праз СМІ. Папа заклікаў прадстаўнікоў Бюро дапамогі дзецям спрыяць таму, каб супрацоўнікі аб’яднання валодалі такімі кампетэнцыямі, бо ад іх залежыць “пастава адукацыйных праектаў”.