У Ватыкане будуць гаварыць пра развіццё Касцёла ў Афрыцы
“Касцёл у Афрыцы –
ад ІІ Ватыканскага Сабора да трэцяга тысячагоддзя” – так гучыць назва міжнароднай
канферэнцыі, якая пройдзе ў канцы красавіка ў Рыме. Яе мэтай з’яўляецца падвядзенне
вынікаў рэалізацыі пастаноў асамблеі адносна афрыканскага кантынента. Прэзентацыя
форуму прайшла 7 красавіка 2014 г. у Ватыкане. Сярод дакладчыкаў і ўдзельнікаў канферэнцыі,
якая будзе праходзіць 24-25 красавіка ў Папскім універсітэце “Urbaniana”, будуць афрыканскія
іерархі і прадстаўнікі Рымскай курыі. Сабор стаў паваротным пунктам для Касцёла ў
Афрыцы на яго гістарычным шляху, адзначылі арганізатары форуму. На ім была выказана
павага да культурнай самабытнасці кантынента і прагучаў заклік да мясцовага духавенства
ўстаць на абарону веры, культуры і развіцця.