Святы Айцец падзякаваў
арганізатарам мінулагодніх Сусветных дзён моладзі ў Рыа-дэ-Жанейра. 7 красавіка 2014
г. у Ватыкане Пантыфік прыняў дэлегацыю аргкамітэту міжнароднага форуму. Ён узгадаў
сваё падарожжа ў Бразілію і прызнаўся, што быў захоплены атмасферай, якая панавала
сярод моладзі. Папа заклікаў дзякаваць Богу за тое, што такое маштабнае мерапрыемства
адбылося і прынесла плён. Яно паказала веліч Божага дзеяння на фоне бедных чалавечых
рэсурсаў. На думку Святога Айца, асягненні сусветнага форуму павінны жыць на ўзроўні
дыяцэзій, парафій і супольнасцяў. Для гэтага, нагадаў ён, трэба не баяцца служыць
іншым, бо Касцёл заўсёды быў місійным, ісці наперад з радасцю і рашучасцю ў полымі
любві Хрыста.