Папа наведае 6 красавіка
2014 г. увечары рымскую парафію св. Грыгорыя Вялікага. Візіт пачнецца на спартыўным
полі парафіі, дзе Пантыфік сустрэнецца з дзецьмі, якія праходзяць катэхізацыю. Таксама
адбудуцца спатканні Папы з моладдзю і хворымі. Яму будзе прадстаўлена некалькі парафіяльных
ініцыятыў. Адна з іх носіць назву “Лямпа жаданняў” і мае на мэце інтэграцыю людзей
з абмежаванымі магчымасцямі, другая – “Човен” – дапамагае беспрацоўным. Парафія нясе
дапамогу і ў рэабілітацыі наркаманаў. Папа наведае таксама “Дом міласэрнасці”, адкрыты
ў 1988 г. для пражывання пажылых людзей, інвалідаў і эмігрантаў. Пасля гэтых сустрэч,
Святы Айцец паспавядае некалькі чалавек, а затым узначаліць Эўхарыстыю.