Քեսապի Հարցով. Հազարէ աւելի աւստրալիահայեր կը բողոքեն Թուրքիոյ դերակատարութեան դէմ։
Սիտնիի թրքական հիւպատոսարանին դիմաց կազմակերպուեցաւ ցոյց մը, որուն մասնակցեցան աւելի
քան 1000 հայորդիներ:Ցուցարարները իրենց զօրակցութիւնը յայտնելով քեսապահայութեան` թրքական հիւպատոսարանին դիմաց բարձրացուցին պաստառներ, որոնց վրայ գրուած էր` «Քաշեցէ՛ք ձեր ձեռքերը Քեսապէն», «Թուրքիան մեղաւոր է…» եւ այլն, ինչպէս նաեւ պահանջեցին Թուրքիան պատասխանատուութեան ենթարկել` իր երկրէն ծայրայեղ իսլամականներուն Սուրիա մուտքը ապահովելու համար:
«Ասիկա անընդունելի է, մենք չենք կրնար անգործ նստիլ, երբ Թուրքիան առանց խղճի խայթի կը շարունակէ իր հալածանքները հայերուն եւ այլ փոքրամասնութիւններու դէմ», նշած է ցոյցը կազմակերպած ՀՅԴ Աւստրալիոյ կառոյցի ներկայացուցիչ Արամ Թուֆենկեան:
| All the contents on this site are copyrighted ©. |