Ֆրանչիսկոս Քահանայապետ Եղիսաբեթ Բ հանդիպում Վատիկանի մէջ։
Հինգշաբթի, 3 ապրիլին, Ֆրանչիսկոս Քահանայապետը, յատուկ ունկնդրութիւն շնորհեց, Անգլիոյ
Եղիսաբեթ Բ թահուհիին։Այս առաջին անգամն էր որ Ֆրանչիսկոս Պապն ու Թագուհին իրարու հանդիպեցան։
Հանդիպումը հանդիսացաւ Անգլիոյ իշխանութեան եւ Վատիկանի միջեւ չորրորդը, առաջին պաշտօնական
այցելութիւնը տեղի ունեցած է երանելի Յովհաննէս ԻԳ երջանկայիշատակ քահանայապետին օրով,
1961 թուականին, իսկ երկրորդ եւ երրորդ հանդիպումները` երանելի Յովհաննէս Պօղոս Բ երջանկայիշատակ
քահանայապետին օրերուն, 17 հոտեմբեր 1980-ին եւ 17 հոկտեմբեր 2000-ին։ Իսկ Թագուհիին
ու Քահանայապետի միջեւ վերջին հանդիպումը տեղի ունեցաւ 16 սեպետեմբեր 2010-ին, Պենետիկոս
ԺԶ վաստակաւոր Քահանայապետի Անգլիայ կատարած առաքելական այցելութեան առթիւ։ Եղիսաբեթ
Բ թահուհին ծնած է Լոնտոն 21 ապրիլ 1926 թուականին, Եորք դուրքսի ընտանիքին առաջին աղջիկ
զաւակ, մկրտութեան անունով Եղիսաբեթ Ալէսսանտրա Մարիա։ 18 տարեկանին, եղած է Անգլիոյ
կառավարութեան խորհրդատու։ Համաշխարհային Բ պատերազմին մասնակցած է, որպէս զինուորուհի,
ռազմավարական գործողութիւններուն։ 20 նոյեմբեր 1947ին ամուսնացած է Էտիմպուրկի Ֆիլիփ
Մոնպաթէն դուրքսին հետ որմէ ունեցած է չորս զաւակներ։ 1951 թուականին, Անգլիոյ Ճորճօ
թագաւորը կը վախճանի եւ Եղիսաբեթ` 26 տարեկանին, կը դառնայ Անգլիոյ Թագուհի, 1952 ին
։ Նշենք, թէ Եպիսաբեթ Բ թագուհին, իր ունեցած բարձր տիտղոսներու շարքին կը կրէ նաեւ
''հաւատքի պաշտպան տիտղոսը''։ Անգլիոյ իշխանութեան Պետը ոչ միայն պետն է կառարարութեան,
այլ նաեւ Անգլիոյ Անկլիգան եկեղեցւոյ։