Papa priti sot pasdite në audiencë, në Studion e Sallës së Palit VI, Madhërinë e Saj,
Elizabeta II, Mbretëreshë e Mbretërisë së Bashkuar, Lartësinë e Tij, Dukën e Edimburgut
dhe grupin shoqërues. Është takimi i parë i Papës me Mbretëreshën Elizabeta dhe bashkëshortin,
që e vizituan për të katërtën herë Vatikanin.Vizita zgjati rreth një gjysëm
ore.Ky takim me Atin e Shenjtë është i pari, sepse në Meshën për fillimin e papnisë
së Françeskut, Mbretërinë e Bashkuar e përfaqësoi Duka i Glouchesterit. Vizitën e
parë në Vatikan familja mbretërore e pati bërë më 1961, kur u prit nga i Lumi Gjoni
XXIII. Të fundmen, më 17 tetor të vitit 2010, e pritur nga Papa Gjon Pali II. Në
shtator 2010, Elizabeta II pati takuar edhe Benediktin XVI, gjatë vizitës së tij
apostolike në Mbretërinë e Bashkuar.