2014-04-02 11:24:42

Ռուսիա Քեսապի դէմ յարձակումին քննարկման համար ՄԱԿ-ի ապահովութեան խորհուրդի անմիջական նիստ մը կը պահանջէ


Մինչ «Մայատին» արբանեակային պատկերասփիւռի կայանը երէկ հաղորդեց, որ Քեսապի շրջանին մէջ բախումները մագլցում ար-արձանագրած են եւ Քրտահայի մէջ 5 ռումբեր ինկած են, ռուսական Vesti.ru կայքը հաղորդեց, որ Սուրիոյ կանոնաւոր բանակը սկսած է ազատագրել Քեսապը, որ կը գտնուի Լաթաքիայէն 65 քիլոմեթր հեռաւորութեան վրայ: Սուրիական բանակի հրետանին կրակ բացած է զինեալներու դիրքերուն ուղղութեամբ:
Սուրիոյ բանակը կիրակի օր իր վերահսկողութեան տակ առած է Քեսապի մերձակայ բարձունքները եւ մօտեցած Նսըր գագաթին, որուն մօտէն կը բացուի դէպի զինեալներուն կողմէ գրաւուած շրջաններ տանող ճամբան: Ոչնչացուած են զինեալներուն պատկանող հրթիռային սարքաւորումներ:
«Սուրա ալ-Էն» գործակալութիւնը կը հաղորդէ, որ Քեսապի ճակատին վրայ նախաձեռնութիւնը ամբողջութեամբ կառավարական ուժերուն ձեռքն է: Շրջան ուղարկուած են զինուորական այն ստորաբաժանումները, որոնք լեռնային շրջաններուն մէջ մարտեր մղելու փորձառութիւն ձեռք ձգած էին Դամասկոսի հիւսիսը գտնուող Քալամուն շրջանի մարտերուն ընթացքին: Ըստ թուրք բժիշկներու ներկայացուցած տուեալներուն, վերջին օրերուն ընթացքին 2695 ծայրայեղականներ սպաննուած են եւ Թուրքիոյ մէջ հիւանդանոցներ փոխադրուած են 5635 վիրաւորներ:







All the contents on this site are copyrighted ©.