Папа Францішак адкрые
наступную пленарную асамблею італьянскай біскупскай канферэнцыі. Пантыфік прыняў запрашэнне,
паведаміў кардынал Анджэла Баньяска старшыня епіскапата на яго афіцыйным сайце. Вясенняе
пленарнае пасяджэнне Канферэнцыі Біскупаў – другой па велічыні ў свеце пасля бразільскай
– адбудзецца 19-22 мая 2014 г. у Рыме. Трэба адзначыць, што да тытулаў Папы належыць
таксама “Прымас Італіі”. Пантыфік адразу прыняў запрашэнне, гаворыцца ў заяве біскупскай
канферэнцыі. Ён даў да зразумення, што сам меў гэту ідэю.
Звычайна пленарныя
пасяджэнні Канферэнцыі Біскупаў адкрывае яе старшыня. У Італіі перад пачаткам асамблеі
кіраўніка епіскапата па традыцыі прымае на спецыяльнай аўдыенцыі Пантыфік, што падкрэслівае
асаблівы характар іх узаемасувязі.