Փարիզի մէջ Ուքրանիոյ շուրջ Լաւրով-Քերրի բանակցութիւններ
Ռուսիոյ արտաքին գործոց նախարար Սերկէյ Լաւրով եւ Միացեալ Նահանգներու արտաքին գործոց
նախարար Ճոն Քերրի Կիրակի, 30 մարտին, Ուքրանիոյ շուրջ Փարիզի մէջ բանակցութիւններու
ձեռնարկեցին: Հանդիպումը աճապարանքով կազմակերպուեցաւ ուրբաթ օր Ռուսիոյ նախագահ Վլատիմիր
Փութինի նախաձեռնութեամբ նախագահ Պարաք Օպամայի հետ տեղի ունեցած հեռաձայնային հաղորդակցութենէն
ետք: Նախքան հանդիպումը, Լաւրով առաջարկեց Ուքրանիան վերածել չէզոք եւ դաշնակցային
պետութեան մը, առաջարկ մը, որ Քիեւ «ամբողջական անձնատուութիւն» կոչեց: Միւս կողմէ,
Միացեալ Նահանգներ երէկ Եւրոպայի մէջ ՕԹԱՆ¬ի ուժերու հրամանատար զօր. Ֆիլիփ Պրիտլաւին
հրամայեցին նախատեսուածէն կանուխ Ուաշինկթըն վերադառնալ: