Քահանայապետկան Անուանումներ։
Ֆրանչիսկոս Սրբազան Քահանայապետը, շաբաթ 29 մարտին, իրենց պաշտօնի վրայ վերահաստատեց Քահանայապետական Մշակոյթի խորհուրդի նախագահ` Կարտինալ Ճանֆրանքօ Ռավազին, անոր տեղապահը գերապայծառ Քարլոս Ալպերթօ Տէ Փինիօ Մորէյրա Ազէվէտօ եւ խորհուրդի քարտուղարը` գերապայծառ Պարթելեմի Ատուքոնու։ Սրբազան Հայրը վերահաստատեց նաեւ վերոյիշեալ խորհուրդի միւս անդամները եւ նշանակեց նոր անդմաներ որոնց շարքին են` Մարոնի Համայնքի Պատրիարքը Կարտինալ Պշարա Պութրոս Ռաին եւ Վարշաւիոյ Արքեպիսկոպոսը Կարտինալ Քազիմիերզ։
Ֆրանչիսկոս Սրբազան Քահանայապետը իրենց պաշտօնի վրայ վերահաստատեց ապա Միջկրօնական երկխօսութեան Քահանայապետական խորհուրդի նախագահը Կարտինալ Ժան Լուի Թոռան եւ խորհուրդի քարտուղարը Հայր Միկել Անկել Աեուսօ Կիքսոն։ Սրբազան Քահանայապետը վերահատատելով ապա խորհուրդի միւս անդամները նոր անդամներ նշանակեց որոնց շարքին` Քաղտէացիներու Պատրիարքը գերերջանիկ Լուիս Ռաֆաէլ Սաքօ։
Յայտնենք նաեւ թէ Ֆրանչիսկոս Պապը իրեն պաշտօնի վրայ վերահաստատեց Կրօնաւորներու Ժողովի կառավարիչը Կարտինալ Ժոաօ Պրազ Տէ Ավիզը։
| All the contents on this site are copyrighted ©. |