Італьянскі іерарх стане аўтарам разважанняў да Крыжовага шляху ў Калізеі
Арцыбіскуп Джанкарла
Марыя Брэганціні будзе аўтарам сёлетніх разважанняў да Крыжовага шляху, які пройдзе
ў рымскі Калізей 18 красавіка 2014 г., у Вялікую пятніцу. Яго ўзначаліць папа Францішак.
Зала Друку Святога Пасаду паведаміла, што набажэнства пройдзе паводле традыцыйнага
парадку і будзе ўключаць 14 стацый. Ардынарый архідыяцэзіі Кампабаса-Баяна ў італьянскім
епіскапаце з’яўляецца старшынёй Камітэта па сацыяльна-працоўных пытаннях. 65-гадовы
арцыбіскуп родам з Трэнта. Ён з’яўляецца членам кангрэгацыі стыгматыкаў. Некалі іерарх
быў капеланам асоб, якія адмовіліся ад ваеннай службы з-за сваіх перакананняў. У 1994
г. Ян Павел II прызначыў яго біскупам дыяцэзіі Локры ў Калабрыі, дзе ён адкрыта выступаў
супраць мясцовай мафіі.
Трэба адзначыць, што для Францішка гэта будзе другі
Крыжовы шлях, які ён узначаліць у Калізеі. У мінулым годзе Святы Айцец прыняў удзел
у набажэнстве праз некалькі тыдняў пасля свайго абрання. Мінулагоднія разважанні былі
падрыхтаваны групай ліванскай моладзі і мараніцкім Патрыярхам Антыёхіі Бешарой Раі.
У іх узгадваліся праблемы “сляпой свецкасці” і “гвалтоўнага фундаменталізму”, падзелаў
у Касцёле, абортаў і эўтаназіі, войнаў на Блізкім Усходзе.