Ֆրանչիսկոս Քահանայապետի հեռագիրը Ասորի Ուղղափառ Եկեղեցւոյ Պատրիարք Զաքքա Ա ի մահուան
ի լուր։
Կիրակի, 23 մարտին, ի լուր Ասորի Ուղղափառ Եկեղեցւոյ երբեմնի Պատրիարք` Իգնատիոս Զաքքա
Ա մահուան, Ֆրանչիկսոս Սրբազան Քահանայապետը հեռագիր մը ուղղեց Ասորի Ուղղախառ եկեղեցւոյ
եւ ննջեցեալին ընտանեկան պարագաներուն։ Իր հեռագիրին մէջ, Քահանայապետը, Իգնատիոս
Զաքքա Ա Պատրիարքը որակեց ''առաջնորդ մը որ արտասաւոր հոգեւորականութեամբ առաջնորդեց
իր ժողովուրդը՝ իմաստութեամբ եւ քաջութեամբ, ներկայ դժուար պայմաններուն մէջ''։ Հեռագիրին
մէջ ընդգծուած է նաեւ, թէ Իգնատիոս Զաքքա Ա Պատրիարքը եղած է խաղաղութեան եւ երկխօսութեան
մարդ մը, ամէն կրօնի պատկանող հաւատացեալներուն հետ։ Ֆրանչիսկոս Պապը, նշած է նաեւ
թէ Զաքքա Պատրիարքը, մասնակցած է որպէս դիտորդ՝ Վատիկանեան Տիեզերական Բ ժողովին՝ սատարելով
Ասորի Ուղղափառ Եկեղեցւոյ եւ Կաթողիկէ Եկեղեցւոյ միութեան։ Նշենք, թէ Իգնատիոս Զաքքա
Ա. ծնած էր Մոսուլ` 21 ապրիլ 1923 թուականին եւ 1980 էն ի վեր եղած է Ասորի Ուղղափառ
Եկեղեցւոյ 140-րդ Պատրիարք։ Ան իր մահկանացուն կնքեց ուրբաթ 21մարտի առաւօտեան։