22 сакавіка 2014 г.
у Ватыкане Пантыфік прыняў Джонатана Гудлака, Прэзідэнта Федэратыўнай Рэспублікі Нігерыя.
Палітык сустрэўся таксама з кардыналам дзяржсакратаром Пьетра Паралінам. У ходзе перамоваў
акцэнт быў зроблены на цёплых адносінах, якія існуюць паміж Святым Пасадам і Нігерыяй.
Асаблівая ўвага была нададзена абароне годнасці чалавека і яго асноўных правоў, пачынаючы
з рэлігійнай свабоды. У гэтым кантэксце было выказана сумеснае асуджэнне любых форм
насілля і надзея на хуткае вяртанне да мірнага суіснавання ў Нігерыі. Падчас сустрэч
адбыўся абмен думкамі адносна канфлікту ў Цэнтральнай Афрыцы.