Իրան Սուրիոյ տագնապի լուծման իր ծրագիրը փոխանցած է Իպրահիմիի
ԹԵՀՐԱՆ, «Ռոյթըրզ».- Իրանի արտաքին գործոց փոխնախարար Հիւսէյն Ամիր Ապտուլլահեան Մարտ
17ին յայտարարեց, որ Իրանի կառավարութիւնը մշակած է Սուրիոյ տագնապը լուծելու իր ծրագիրը: Ըստ
անոր՝ փաստաթուղթը կազմուած է չորս կէտերէ: Իրանցի պաշտօնատարները այդ փաստաթուղթը փոխանցած
են Սուրիոյ հարցով ՄԱԿի եւ Արաբական լիկայի յատուկ պատուիրակ Լախտար Իպրահիմիի եւ անոր
հետ քննարկումներու սկսած են: Ապտուլլահեան նշած է, որ «փաստաթուղթը կազմուած է սուրիական
ճգնաժամի քաղաքական լուծման իրողութիւններուն, Սուրիոյ տարածքային ամբողջականութեան պահպանման
եւ ժողովրդավարական ընտրութիւններու միջոցով իրենց ճակատագիրը որոշելու քաղաքացիներու
իրաւունքներուն համապատասխան»: