Հայկական Սփիւռքի ելեկտրոնային մամուլի որոնում իրականացնող համակարգը հասանելի

Տեղեկատուական անվտանգութեան մասնագէտ Սամուէլ Մարտիրոսեանը «Google» որոնողական համակարգի վրայ ստեղծած է նաեւ «Սփիւռքի մամուլի որոնում» փնտռողական համակարգը:
«Արմէնփես»-ի փոխանցմամբ, համակարգը հասանելի է իր իսկ յղումով կամ կարճ յիշուող յղումներով` Bit.ly/spyurq կամ Kg.am/spyurq: Ներկայիս համակարգին մէջ ներառուած են հայկական սփիւռքի մօտ հինգ տասնեակ կայքեր:
Համակարգը կը փնտռէ միայն հայկական սփիւռքի լրատուական կայքերով, կը փնտռէ նորութիւններ եւ լուսանկարներ:
Նորութիւնները տեղադրուած են այնպէս, որ կու գան ըստ ժամանակի, այսինքն` առաջինը այն նորութիւնը, որ եղած է ամենավերջինը, յետոյ` միւսը, եւ այդպէս շարունակ: Աջ անկիւնէն կարելի է փոխել եւ ընտրել` ըստ ամանահամապատասխանող նիւթի (relevance): Լուսանկարներու բաժինին մէջ հակառակն է, նախնական դրուած է ըստ նիւթին համապատասխանութեան, աջէն կարելի է ընտրել ըստ ժամանակի:
Յիշենք` հայաստանեան լրատուական կայքերու որոնողական համակարգը հասանելի է այս յղումներով` Bit.ly/mamul եւ Kg.am/mamul: