Пантыфік спачувае ў сувязі са смерцю былога Патрыярха Лісабону
“З болем” успрыняў
навіну аб смерці кардынала Жазэ Палікарпу папа Францішак. Аб гэтым ён напісаў у сваёй
спачувальнай тэлеграме на імя Патрыярха Лісабона. “Давяраю Божай міласэрнасці дарагога
кардынала, узгадваючы аб яго каштоўным супрацоўніцтве ў розных структурах Святога
Пасаду і маіх сустрэчах з гэтым Пастырам, захопленым пошукам ісціны”, - напісаў Пантыфік.
Ён узгадаў служэнне кардынала Палікарпу ў якасці старшыні Канферэнцыі Біскупаў Партугаліі
і яго ўклад у каталікую адукацыю.
Кардынал Жазэ Палікарпу, 16-ы Патрыярх Лісабона,
памёр 12 сакавіка 2014 г. пасля аперацыі, звязанай з анеўрызмай аорты, ва ўзросце
78 гадоў. Ён адчуў пагаршэнне стану і вярнуўся ў шпіталь у партугальскай сталіцы,
дзе ў той жа дзень памёр.
Іерарх нарадзіўся ў 1936 г. у Пего, вёсцы ў Кальдас-да-Раінья,
у 100 км ад Лісабона. Маючы 25 гадоў стаў святаром. У 1966-1970 гг. вывучаў дагматычную
тэалогію ў Рыме. У 42 гады атрымаў біскупскае пасвячэнне, у 61 стаў каад’ютарам Патрыярха
Лісабона. У 1998 г. Ян Павел II прызначыў яго на лісабонскую кафедру. Гэту пасаду
ён займаў да 2013 г.
Кардынал Жазэ Палікарпу быў вядомы сваёй прыхільнасцю
да экуменізму.