Լաթվիոյ խորհրդարանը դատապարտած է Ուքրանիոյ մէջ ռուսական յարձակումը Եւ մտահոգ են
որ կրնայ իրենց կարգը հասնիլ
«Պի.Պի.Սի.»-ի ռուսական ծառայութիւնը կը հաղորդէ, որ Լաթվիոյ խորհրդարանը դատապարտած
է «Ուքրանիոյ մէջ ռուսական յարձակումը» եւ նշած, որ կասկած չունի, թէ Ռուսիա կը ծրագրէ
դրացի երկիրը բռնագրաւել: Բացի ատկէ, որոշ լաթվիացի քաղաքական գործիչներ համոզուած
են, որ Վրաստանէն եւ Ուքրանիայէն ետք ռուսական հրասայլերը պիտի գան Պալթեան երկիրներ: Լաթվիոյ
խորհրդարանը` Սէյմը վեց ժամ քննարկած է Ուքրանիոյ իրավիճակը: Քննարկման աւարտին ձայներու
մեծամասնութեամբ հաւանութիւն տրուած է որոշումին, որ կը դատապարտէ ռուսական զօրքի մուտքը
Խրիմ եւ կը նշէ, որ եթէ ոչ ամբողջ Ուքրանիան, ապա առնուազն ատոր մէկ մասը գրաւելու ռուսական
մտադրութիւններ գոյութիւն ունին: Լաթվիոյ պաշտպանութեան նախարար Ռայմոնտ Վեյոնիս նախազգուշացուցած
է Ռուսիոյ կողմէ Լաթվիոյ մէջ սադրանքներու մասին` նոյնիսկ իրական զինուորական վտանգի
բացակայութեան պարագային: Ըստ Վեյոնիսի, ազգային կառավարութիւնը պէտք է մեծցնէ պաշտպանութեան
ծախսերը: Անոր հետ համաձայն է նաեւ երկրի վարչապետ Լայմտոթա Սթրաույումա: Բացի ատկէ,
Պալթեան կողմին խնդրանքով, Միացեալ Նահանգներ պիտի մեծցնեն քանակը կործանիչներու, որոնք
կը հսկեն Պալթեան երկիրներու օդային տարածքին: