Пантыфік прызначыў членаў Рады па эканамічных пытаннях
8 сакавіка 2014 г.
папа Францішак прызначыў восем кардыналаў і сем свецкіх экспертаў у Раду па эканамічных
пытаннях, створаную 24 лютага 2014 г. У склад новага органа Апостальскай Сталіцы на
пяцігадовы тэрмін былі ўключаны кардынал Рэйнхард Маркс, арцыбіскуп Мюнхен-Фрайзінгскі,
кардынал Луіс Кіпрыяні Торн, арцыбіскуп Лімы, кардынал Даніэль ДзіНарда, арцыбіскуп
Гальвестан-Хьюстанскі, кардынал Уільфрыд Фокс Напіер, арцыбіскуп Дурбана, кардынал
Жан-Пьер Рыкар, арцыбіскуп Бардо, кардынал Нарбэрта Рывэра Карэра, арцыбіскуп Мехіка.
Таксама ў склад Рады ўвайшлі кардынал Джон Тонг Хон, біскуп Ганконга і кардынал Агасціна
Валіні, Папскі вікарый для Рымскай дыяцэзіі. Свецкія эксперты прызначаныя Пантыфікам
паходзяць з Мальты, Францыі, Канады, Іспаніі, Германіі, Італіі і Сінгапура.
Кіраўнік
Залы Друку Апостальскай Сталіцы кс. Фэдэрыка Ламбардзі адзначыў, што кардыналы Торн,
Напіер, Рывэра Карэра, Хонг Тон, Валіні, а таксама кардынал Джодж Пэл, новы прэфект
Сакратрыяту па эканамічных пытаннях, былі членамі Рады кардыналаў па арганізацыйных
і эканамічных пытаннях Апостальскай Сталіцы і Дзяржавы Ватыкане, якая перастала існаваць.
Адначасова
кардынал Пэл і кардынал Маркс з’яўляюцца членамі Папскай рады па дапамозе Пантыфіку
ў кіраванні Касцёлам і вывучэнні праэкту рэфармавання Рымскай курыі.
Адносіны
паміж Радай па эканамічных пытаннях і Сакратарыятам па эканамічных пытаннях будуць
акрэслены ў адмысловых статутах, але ў любым выпадку Рада будзе мець асобную сферу
дзейнасці, а не толькі дарадчую ў адносінах да Сакратарыяту. Паходжанне яе членаў,
паводле кс. Ламбардзі павінна адлюстроўваць паўсюднасць Касцёла, а правядзенне яе
першай сустрэчы запланавана на май 2014 г.