Кардынал Паралін: жадаем, каб крызіс ва Украіне быў вырашаны перамовамі
Апостальская Сталіца
жадае, каб крызіс ва Украіне быў вырашаны шляхам перамоваў, адзначыў кардынал Пьетра
Паралін, Дзяржсакратар Яго Святасці Папы. 7 сакавіка 2014 г., падчас размовы з журналістамі,
каментуючы “трывожную сітуацыю”, якая склалася ва Ўкраіне, пурпурат падкрэсліў, што
ў вырашэнні канфлікта “кожны з бакоў павінен захаваць свае інтарэсы”, але пры гэтым,
захаваць перш за ўсё “дабро краіны і яго насельніцтва”.
Кіраўнік ватыканскай
дыпламатыі адзначыў гатоўнасць і жаданне Апостальскай Сталіцы весці дыялог з Рускай
Праваслаўнай Царквой на гэту тэму. “Калі магчыма будзе зрабіць уклад на ўзроўні міжрэлігійных
адносінаў на карысць дабра насельніцтва, мы гатовы рабіць гэта і жадаем, каб гэта
было магчыма”, - адзначыў кардынал Паралін.