Ватыкан: дапамагчы нябачным жанчынам стаць бачнымі
З нагоды Міжнароднага
дня жанчын, які адзначаецца 8 сакавіка 2014 г., у Ватыкане прайшло мерапрыемства пад
назвай “Галасы веры – Дапамагчы нябачным жанчынам стаць бачнымі”. У рамках форума
выступілі 10 жанчын з розных краін свету, якія расказалі пра тое, якое месца займаюць
ў жыцці сваіх грамадстваў і ў Касцёле. На думку Жаслін Куэры, заснавальніцы ліванскага
жаночага руху і члена Папскай рады па справах свецкіх, роля жанчын асабліва важная
ў сённяшнім свеце, пазбаўленым крытэрыяў, моцных і ясных каштоўнасцяў. Жанчыны спрыяюць
гуманізацыі грамадстваў, дапамагаюць Касцёлу быць самім сабой, быць больш марыйным
і больш станавіцца маці, - пераканана Куэры.