Եգիպտոսի պաշտպանութեան նախարար մարաջախտ Ապտելֆաթթահ Սիսի յայտնեց, որ «Եգիպտոսի նախագահութեան
թեկնածու ներկայանալու մեծամասնութեան պահանջը չեմ կրնար անտեսել»: Ան յայտարարեց,
որ «նախագահութեան թեկնածու ներկայանալու պաշտօնական միջոցառումները պիտի կատարուին յառաջիկայ
օրերուն»: Զօր. Սիսի ըսաւ, որ «հայրենիքը կ՛անցնի դժուար պայմաններէ, որոնք ժողովուրդի,
բանակի եւ ոստիկանութեան միասնականութիւն կը պահանջեն, որովհետեւ այսպիսի պայմաններու
մէջ ոեւէ անձ առանձին չի կրնար երկիրը ոտքի կանգնեցնել»: