Եկեղեցիներու համաշխարհային խորհուրդի ընդհանուր քարտուղարի կոչը Ուքրանիոյ խաղաղութեան
ի նպաստ։
Եկեղեցիներու համաշխարհային խորհուրդի ընդհանուր քարտուղար` վերապատուելի Օլավ Թվէյթ,
երեքշաբթի, 3 մարտին, հրատարակած յատարարութեամբ մը իր խոր մտահոգութիւնը յայտնած է
ի տես Ուքրանիոյ մէջ տեղի ունեցած իրադարձութիւններուն։ Յայտարարութեան մէջ ան անդրադարձած
է, ''ահռելի վտանքներուն որոնք կը սպառնան արդար քաղաքացիներուն'', ու այն կարելիութեան
որ ''Ուքրանիոյ տագնապի դառնացումը, միջազգային հասարակութիւնը մատնէ անկարողութեան`
հետապնտելու շատ մը համաշխարհային կարեւոր հարցեր։ Եկեղեցիներու համաշխարհային խորհուրդի
ընդհանուր քարտուղարը կոչ ուղղեց Ուքրանիոյ տագնապի բոլոր կողմերուն դիմելու երկխօսութեան,
որուն ձախողութեան պարագային- ազդարարած է Վերապատուելի Օլավ Թվէյթ - Ուքրանիան կրնայ
մատնուիլ աւելի սարսափալից տագնապներու ։ Վերապատուելի Թվէյթ իր կոչը եզրափակած
է յորդորելով դիմել աղօթքի, որպէսզի տիրապետէ խոհեմութիւնն ու խաղաղութիւնը։