Ֆրանչիսկոս Քահանայապետը հրաւիրեց հաւատացեալները աղօթելու Ուքրանիոյ համար։
Կիրակի, 2 մարտ 2014-ին, իր գրասենեակի պատուհանէն արտասանած Մարեմեան կիրակնօրեայ աղօթքի
ընթացքին, Ֆրանչիսկոս Պապը յատուկ կոչ մը ուղղեց Ուքրանիոյ համար։ ''Կը խնդրեմ որ
աղօթէք Ուքրանիոյ համար որ տագնապալից պահեր կ՛ապրի տակաւին – ըսաւ Ան, ու աւելցուց -
մինչ կը մաղթեմ որ Երկրին բոլոր իշխանութիւնները աշխատին անհասկացողութիւնները յաղթահարել
ու գործել Երկրին ապագայի կառուցման ի խնդիր, միջազգային հասարակութեան սրտագին կոչ մը
կ՛ուղղեմ որպէսզի նեցուկ կանգնի երկխօսութեան եւ համերաշխութեան բոլոր ձեռնարկներուն։