''Դաստիարակչութեան հարկաւորութիւնը եւ հաւատքի հաղորդումը Լատինամերիկայի նոր սերունդին''
նիւթով, Լատինամերիկայի քահանայապետական յանձնախումբի լիանիստ ժողովը
25-28 փետրուար` Հռոմի մէջ, տեղի կ'ունենայ Լատինամերիկայի քահանայապետական յանձնախումբի լիանիստ ժողովը ''դաստիարակչութեան հարկաւորութիւնը եւ հաւատքի հաղորդումը Լատինամերիկայի նոր սերունդին'' նիւթին մասին։
Լինաիստ Ժողովի բացման ճառը կատարեց կարտինալ Ուելլէ` Լատինամերիկայի քահանայապետական յանձնախումբի նախագահը։ Ան ճառը կեդրոնացուց ''ֆրանչիսկոսի Քահանայապետութեան նշանակութիւնը Լատինամերիկացիներուն համար, պահանջներ ու պատասխանատուութիւններ'' նիւթին վրայ։
Այլ ժողովականներ իրենց զեկոյցը կը կեդրոնացնեն հետեւեալ նիւթերու մասին. ''Լատինամերիկայի նոր սերունդի իրավիճակը''։ ''Կապը ընդմէջ Նոր սերունդի եւ քաղաքականութեան''։ ''Եկեղեցւոյ դաստիարակչական դերը` որպէս նոր սերունդին Մայր ու դաստիարակ, խաղաղութեան եւ արդարութեան հաստատումին''։
Լիանիստ գումարը կ'եզրափակուի հովուական յանձնարարութիւններու ներկայացումով։ Լատինամերիկայի քահանայապետական յանձնախումբի լիանիստ ժողովի մասնակցողները ապա` 28 փետրուարին, հանդիպում կ'ունենան, ֆրանչիսկոս Քահանայապետին հետ։
| All the contents on this site are copyrighted ©. |