Да маючага адбыцца
візіту папы Францішка ў Святую Зямлю, каталіцкі епіскапат рэгіёну запусціў адмысловую
інтэрнэт-старонку (www.popefrancisholyland2014.lpj.org). Журналісты і тыя, хто шукае
інфармацыі аб хрысціянах у Святой Зямлі, а таксама дэталях візіту Пантыфіка, могуць
атрымаць яе на гэтым рэсурсе. Тут паведамляецца, што за 45 дзён да папскага падарожжа,
запланаванага на канец мая, будзе апублікавана яго афіцыйная праграма. Інтэрнэт-старонка
даступна на сямі мовах, уключаючы арабскую і іўрыт.
Папа Францішак накіруецца
ў Святую Зямлю 24-26 мая. Ён наведае сталіцу Іарданіі Аман, а таксама Бэтлеем і Іерусалім.