Папа наведае рымскія парафіі, прыме ўдзел у рэкалекцыях і правядзе Крыжовы шлях у
Калізеі
На працягу бліжэйшых
двух месяцаў папа Францішак наведае дзве рымскія парафіі, прыме ўдзел у велікапостных
рэкалекцыях і ўзначаліць набажэнствы Вялікага тыдня. Пра гэта паведамілі 27 лютага
2014 г. у Ватыкане. План мерапрыемстваў з удзелам Святога Айца на бліжэйшыя тыдні
з’яўляецца дастаткова традыцыйным: у Папяльцовую сераду ён накіруецца на Авенцінскі
пагорак у Рыме, дзе ўзначаліць пакутную працэсію ад касцёла св. Анзэльма да базылікі
св. Сабіны, а 9-14 сакавіка будзе ўдзельнічаць у велікапостных рэкалекцыях. На працягу
Вялікага посту Пантыфік наведае дзве рымскіх парафіі. Першая з іх, парафія Найсвяцейшай
Панны Марыі ў Малітве, знаходзіцца на ўсходняй ускраіне Вечнага горада – за межамі
сталічнай кальцавой дарогі. Папа сустрэнецца з яе вернікамі 16 сакавіка. Другі душпастрыскі
візіт Францішка адбудзецца 6 красавіка, але назва парафіі, якую ён наведае, не паведамляецца.
Галоўныя мерапрыемствы з удзелам Святога Айца адбудуцца на працягу Вялікага
тыдня. У Ватыкане Францішак узначаліць св. Імшу Хрызма, набажэнствы Вялікага тыдня,
літургію Пасхальнай вігіліі і ўдзеліць вернікам у Вялікодную нядзелю благаслаўленне
“Urbi et Orbi”. У Вялікую Пятніцу Папа па-традыцыі прыме ўдзел у набажэснтве Крыжовага
шляху ў Рымскім калізеі. Пакуль нічога не паведамляецца пра месца правядзення літургіі
Вячэры Пана, якую у мінулым годзе, ён цэлебраваў у капліцы рымскай калоніі для непаўнагадовых.
27
красавіка на плошчы св. Пятра Пантыфік узначаліць кананізацыю благаслаўлёных Яна ХХІІІ
і Яна Паўла ІІ.