Бэнэдыкт XVI: абсурдна спекуляваць пра маю адстаўку
“Не існуе ніякіх
сумневаў у абгрунтаванасці адмовы ад служэння Наступніка св. Пятра, гэта абсурд, спекуляваць
аб гэтым рашэнні”, - так напісаў Бэнэдыкт XVI у лісце, апублікаваным на першай старонцы
газеты “La Stampa”, які стаў рэакцыяй на каментары яго жэсту з боку некаторых італьянскіх
і міжнародных сродкаў масавай інфармацыі. Кароткі, але “інтэнсіўны” адказ, быў напісаны
Пантыфікам на пенсіі ўласнаручна. Ён сцвярджае, што яго рашэнне было прынята ў поўнай
свабодзе і любыя “чуткі аб несапраўднасці адмовы проста абсурдныя”. Адказваючы на
пытанні аб нашэнні ім “белага адзення” і далейшым ужыванні імя Бэнэдыкт, ён адзначыў,
што на момант адстаўкі не было ніякіх правіл, якія б прадугледжвалі іншае выйсце.
Бэнэдыкт XVI абверг чуткі, што ён пакінуў Пасад св. Пятра ў выніку апошніх
скандалаў. Па яго словах, ён бы ніколі “не пакінуў карабель падчас шторму”, таму спачатку
дачакаўся заканчэння разгляду гэтых пытанняў і толькі потым абвясціў аб сваім рашэнні.