Dje, përfundoi punimet në Sidnej të Australisë mbledhja e G20-ës. Nga takimi i të
mëdhenjve të botës, thirrje për Ukrainën: duhet zgjidhje paqësore e demokratike, kërkoi
komisari evropian për Punët ekonomike e monetare, Olli Rehn. Në dokumentin përfundimtar,
vihet në dukje arritja e marrëveshjes për shpejtimin e zhvillimit ekonomik botëror,
me politika që duhet ta shtojnë me 2% Prodhimin e Brendshëm Brut në pesë vitet e ardhshme.
Përkthyer në shifra konkrete, kjo do të thotë, që veprimtaritë ekonomike duhet të
prodhojnë 2 mijë miliard dollarë më shumë të ardhura dhe dhjetra milionë vende pune.