Հայ Կաթողիկէ Եպիսկոպոսաց Սիւնհոդոսի Ծիսական Յանձնախումբը, 2014-ի Փետրուար 19-ին, հրատարակեց
սուրբ Խորհուրդներու եւ այլ աղօթքներու մատակարարման «Փոքր Մաշտոց» ծիսական գիրքը, որ
իր առաջին էջերուն վրայ կը կրէ Ամենապատիւ Տէր Ներսէս Պետրոս ԺԹ. Կաթողիկոս Պատրիարքին
հրամանագիրն ու օրհնութեան գիրը:
Մատեանը որ կը կրէ «Փոքր Մաշտոց Հայաստանեայց
Սուրբ Եկեղեցւոյ» տիտղոսը, եւ տպագրութեան որպէս վայր եւ թուական՝ Պէյրութ 2013, պտուղն
է Ծիսական Յանձնախումբին եւ մանաւանդ Յանձնախումբի նախագահ Արհի, հայր Մանուէլ եպիսկոպոս
Պաթագեանի վերջին տարիներու աշխատանքին։ Փոքր Մաշտոցի հրապարակաման նպատակն է օգտակար
դառնալ հաւատացեալին եւ անոր մասնակցութեան ի խնդիր մատակարարուելիք խորհուրդներուն,
որպէս հաւատքի հասունացման աղբիւր: Այս մատեանը կը հրատարակուի առ ի փորձ երեք տարուայ
համար: Կարելի է գտնել զայն հետեւեալ կապին վրայ եւ ներբեռնել բոլոր կարելի սարքերու
մէջ: