2014-02-21 16:55:03

Հայր Ֆետերիքօ Լոմպարտիի յայտարարութիւնը հայող Կարտինալական արտակարգ Ժողովին


Ուրբաթ, 21 փետրուարին, Վատիկանի մամլոյ գրասենեակի տնօրէն` Հայր Ֆետերիքօ Լոմպարտին, Սուրբ Աթոռի մամլոյ գրասենեակի մէջ լրագրողներուն հետ ունեցած հանդիպումի ընթացքին, յայտարարութիւն մը կատարեց հայող՝ Կարտինալական արտակարգ Ժողովի նիստերուն որուն մէջ յայնտեց թէ առաւօտեան նիստի ընթացքին ''Ֆրանչիսկոս Քահանայապետը եւ կարտինալական դասը, իրենց աղերսանքը բարձրացուցին առ Աստուած, աշխարհի բազմաթիւ քրիստոնեաներուն համար, որոնք յաճախ եւ զանազան վայրերու մէջ թիրախ դարձած են, բռնութիւններուն եւ հալածանքներուն։ Բոլոր անոնց որ Աւետարանի պատճառով կը տառապին, Նորին Սրբութիւնը եւ կարտինալական դասը կ'ապահովեն իրենց աօղթքը յորդորելով հաստատ մնալ հաւատքի մէջ եւ ներել՝ իրենց հալածողներուն, նմանելով մեր Տիրոջ Յիսուսին։
Հայր Լոմպարտին ապա յայտնեց Ֆրանչիսկոս Պապին եւ Կարտինալներուն մտահոգութիւնը հայող այն երկիրներուն, զորս այս օրերուն ներքին բախումներու ենթարկուած են, ինչպէս Հարաւային Սուտանը, Նիճերեան եւ Ուքրանիան։ Կարտինալական դասը յատուկ մտահոգութիւն յայտնեց Սուրիոյ տագնապի նկատմամբ որուն` մինչեւ այսօր խաղաղ եւ մշտատեւ լուծում մը չի գտնուեցաւ։
Կարտինալական արտակարգ ժողովի մասնակիցները ապա անհրաժեշտ նկատեցին միջազգային հասարակութեան նախաձեռնութիւնները, նպաստելու համար խաղաղութեան եւ ներքին համերաշխութեան, վերահաստաելու ապահովութիւնը եւ արտօնելու մարդկայնական օժանդկութեան մուտքը։
Անոնք ապա նկատել տուին թէ յաճախ, բազմաթիւ բախումներ նկարագրուած են որպէս կրօնային բնոյթ ունեցող բախումներ, մինչդեռ այդ բախումներու պաճառները յաճախ ցեղային, քաղաքացիական եւ տնտեսական բնոյթ ունին։
Կաթողիկէ Եկեղեցին դատապարտելով ամէն տեսակ բռնութիւն կատարուած կրօնի անունով, պիտի չի դադրեցնէ իր գործունէութիւնը ի սպաս խաղաղութեան, միջկրօնային երկխօսութեամբ եւ բազաթիւ բարեգործական ձեռնարկներով։
Այս եղաւ Հայր Ֆետերիքօ Լոմպարտիի ներկայացուցած յայտարարութիւնը։ Ան ապա մատնանշեց թէ այսօր եւս ժողովներուն մասնակցեցան 150 կարտինալներ եւ թէ Սրբազան Քահանայապետը, Ժողովի ընթացքին, յառաջիկայ Ընտանիքի մասին գումարուած սիւնհոդոսի երեք նախագահները նշանակեց յանձինս` Կարտինալ Վէնթրուայի, Կարտինալ Թակլէի եւ Կարտինալ Ասիզի։
Վատիկանի բանբերը հուսկ անդրադարձաւ կարտինալներու միջամտութիւններուն որոնք կը շարունակուին յետմիջօրէի նիստերու ընթացքին եւ որոնք կը հանդիսանան ''յառաջիկայ սիւնհոդոսի որպէս խրախուսիչ ներածական''։








All the contents on this site are copyrighted ©.