Հայաստանի մէջ Փետրուար 19-ին կը նշուի Գիրք նուիրելու օրը: Ան սահմանուած է 2008-ին`
Հայաստանի գրողներու միութեան նախագահ Լեւոն Անանեանի որոշումով: Փետրուար 19-ը պատահական
չէ ընտրուած. 1869-ի այս օրը ծնած է հայ մեծանուն բանաստեղծ Յովհաննէս Թումանեանը: Ըստ
աւանդոյթի` այսօր պէտք է գիրքեր նուիրել գրադարաններուն, ընկերներուն, մտերիմներուն:
Այս տարի եւս օրը Երեւանի մէջ կը նշուի տարբեր ձեռնարկներով: «Բուկինիստ» գրախանութը
անվճար գիրքեր կը բաժանէ իր բոլոր գնորդներուն: Ժամը 10:00-20:00-ը բոլոր գնորդները կը
ստանան նուէր` գիրք, ինչպէս նաեւ կուտակային զեղչի քարտ: Ժամը 13:00-15:00-ը գրախանութին
դիմաց տեղի կ’ունենայ գրքախաղ: Գիրք նուիրելու օրուան նուիրուած մեծ ձեռնարկ մը նախատեսուած
նաեւ Ազգային գրադարանին մէջ: