Dita e dytë e mbledhjes së Papës Françesku me tetë kardinalët. Tema, financat e Vatikanit
Komisioni Papnor Njoftues për IOR-in, i njohur ndryshe si banka e Vatikanit, dha një
raport të gjatë e të hollësishëm sot paradite, para Papës Françesku dhe Këshillit
të Kardinalëve, që ndihmon Atin e Shenjtë për riorganizimin e Kurjes Romake. Drejtori
i Sallës së Shtypit të Selisë së Shenjtë, Atë Federiko Lombardi, gjatë takimit me
gazetarët, pohoi se komisioni raportoi jo vetëm për gjendjen e Institutit për Veprat
Fetare, por edhe “për problemet e shkuara dhe shkaqet e tyre”. “Kardinalët – vijon
deklarata e Atë Lombardit – treguan vlerësim për paraqitjen e komisionit dhe bënë
pyetje” për një thëllim të mëtejshëm të çështjeve të caktuara. Asnjë vendim nuk
u mor, pas përfundimit të punimeve të paradites, por, theksoi atë Lombardi, “i rëndësishëm
është kuptimi më i thellë i misionit të Institutit në perspektivën e shërbimit fetar
e baritor të Kishës”. Punimet e pasdites përqendrohen mbi të njëjtin argument dhe,
nëse do të jetë nevoja, mund të merret përsëri në pyetje ndonjëri nga raportuesit
e paradites.