Սուրիոյ Բժիշկներու Սենտիքան կը յայտնէ թէ` երկրի տագնապին հետեւանքով Սուրիայէն գաղթած
բժիշկներուն թիւը կը տարուբերի 30-40% ի միջեւ: Ան կը նշէ թէ` նախքան տագնապը սենտիքային
մօտ արձանագրուած սուրիացի բժիշկներու թիւը հասած էր 30.000-ի: Անոնց շուրջ 10.000-ը
լքած է երկիրը: Սենտիքան բժիշկներու արտագաղթը վերագրած է զինեալ խմբաւորումներու կողմէ
անոնց ուղղուած սպառնալիքներուն եւ առեւանգումներուն: