Ֆրանչիսկոս Քահանայապետը կը գլխաւորէ Կարտինալական ''Ութեակ'' խորհուրդի երրորդ հադիպումը:

17 – 19 փետրուար, Ֆրանչիսկոս Սրբազան Քահանայապետի կողմէ նշանակուած Կարտինալական ''ութեակ'' խորհուրդի անդամները, իրենց երրորդ ժողովը կը գումարեն Վատիկանի մէջ, Ֆրանչիսկոս Սրբազան Քահանայապետի գլխաւորութեամբ։
Վերոյիշեալ հաւաքը տեղի կ՛ունենայ Կարտինալական ընդհանուր ժողովի նախօրեակին, որ տեղի պիտի ունենայ, միշտ Վատիկանի մէջ, 20 -22 փետրուար, եւ որուն աւարտին նախատեսուած է 19 եկեղեցականներուն Կարտինալական տիտղոսի տուչութիւնը, որոնց շարքին է նաեւ Վատիկանի Պետքարտուղար գերապայծառ Փարոլինը։

Յայտնենք որ վերոյիշեալ ''կարտինալական ութեակ խորհուրդը'' նշանակուած է Ֆրանչիսկոս Քահանայապետի կողմէ, անցեալ 13 ապրիլին, որպէս ` Սրբազան Քահանայապետին, յատուկ հարցերու շուրջ, անձնական խորհրդատուներ։ Նորին Սրբութիւնը ապա անցեալ 28 սեպտեմբետին, '' Pastor bonus - Բարի Հովիւ'' Առաքելական Սահմանադրութեան վերատեսութեան հայող հրատարկած իր ձեռագիր նամակին մէջ, ''Կարտինալական Ութեակ Խորհուրդի'' ստեղծումը հաստատելով, յայտնեց թէ անոր պարտականութիւնն է ''ինծի օգնել, Տիեզերական Եկեղեցիի Կառավարման, եւ ուսումնասիրել ''Բարի Հովիւ'' Առաքելական Սահմանադրութեան վերատեսութիւնը''։

Սուրբ Աթոռի մամլոյ գրասենեակի տնօրէն` Հայր Ֆետերիքօ Լոմպարտին, մամուլին հետ ունեցած ելոյթի ընթացքին, յայտնեց թէ Կարտինալական ութեակ խորհուրդի անդամները, այսօր առաւօտեան ժամը 7-ին, մասնակցեցան Սրբազան Քահանայապետի գլխաւորած համապատարագին։
Հայր Լոմպատրի յայտնեց նաեւ թէ Կարտինալական Խորհուրդի նիստերուն մասնակցած է նաեւ Վատիկանի Պետքատրտուղարը` Գերապայծառ Փարոլինը։
Առաւօտեան նիստին Կարտինալական խորհուրդը հանդիպում ունեցաւ Սուրբ Աթոռի տնտեսական եւ վարչական հարցերը ուսումնասիրող յանձնախումբի անդամներուն հետ, մինչ վաղը` երեքշաբթի 18 փետրուարի նիստերուն, նախատեսուած է հանդիպում մը Վատիկանի Դրամատան` ԵՈՐ- ով զբաղող յանձնախումբի անդամներուն հետ։ Չորեքշաբթի 19 փետրուարի յետմիջօրէի նիստի ընթացքին, Կարտինալական խորհուրդը պիտի հանդիպի ''15 կարտինալներու խորհրուդի'' անդմաներուն միասնաբար քննարկելու զանազան հարցեր։
Հայր Լոմպարտի յայտնեց նաեւ թէ հինգշաբթի օր (20 փետրուարին) սկիզբ կ՛առնէ Կարտինալական Ընդհանուր ժողովը որ տեղի պիտի ունենայ սիւնհոդոսական սրահին մէջ եւ որուն գլխաւոր նիւթն է ''Ընտանիքը''։